WILLEMSTAD.- Show Latino & Mas despues di tantu warda, lo bai ta anfitrion un bia mas pa un grandioso aktividat kual lo tuma lugá riba djasabra 10 novèmber 2018 i lo ta na e okashon aki un Mega Fiesta den kual lo tin presentashon di tres grandi di Bachata huntu pa promé bia den un solo fiesta aki na Kòrsou direktamente for di República Dominicana kende nan ta Rey John, Teodoro Reyes i Willy Castro.
ARTISTANAN
Huntu ku Rey John, Willy Castro i Teodoro Reyes lo bai tin presentashon riba e anochi aki tambe nos gruponan musikal lokal ku ta Felito Martinez & 6to Sentido i tambe Tony Conga huntu ku DJ Greg.  E públiko ku lo bai ta presente sigur lo bai disfrutá di un fiesta tur afó ku un toke internashonal.
Ta bon pa bisa ku tantu Rey John, Teodoro Reyes komo Willy Castro ta bon konosí aki na Kòrsou pa diferente éksitonan ku nan a produsí ku a logra pa nan a subi yega den tòp di popularidat den Latino Amérika, Merka i tambe Europa.
SITIO DI FIESTA
E evento aki ta hiba di nòmber “La Fiesta Latina del Año”, kual manera lo ta manera a ser menshoná lo ta un Mega Fiesta Bailabel ku lo tuma lugá dia 10 novèmber 2018, den un sitio nobo pa ambiente di Bachata kual ta Club ROXO.
ENTRADANAN
E evento lo bai tin kuater sekshon ku ta Sekshon General, Sekshon VIP Single, sekshon di VIP Mesa ku ta mesa di máksimo 4 persona i mesa di 6 persona.
Pa reservashon di únikamente karchi di e VIP Mesanan por yama e number 666-4225.
PUNTONAN DI BENTA
E benta di karchi lo start djabièrnè 5 òktober 2018 e sekshonnan General i VIP Single lo ta optenibel na e puntonan di benta  Tik Tak, Beep Beep, Pompstation Sta Maria, Mensing, Biep Tiew pegá ku Alaska Snek i na Uka’s Place na Palu Blanku.