WILLEMSTAD.- E di 47 edishon di Festival di Tumba 2017 ta kuminsá awe nochi 8’or. Trabounan a kana hopi bon pa loke ta trata stage i infrastruktura den Festival Center.

E lista definitivo di tur e anochinan di tumba no a sali ofisialmente, pero ayera nochi nos a logra di risibí e lista di e promé anochi di Tumba 2017.

7 banda lo subi tarima awe nochi pa kompaña 15 kantante ku lo interpretá nan tumba i buska dje forma ei pa klasifiká pa e anochi final djabièrnè awor.

Den e lista di tumberonan ku lo presentá awe nochi tin 2 eks Rei di Tumba den persona di Amos Balentin i Urvin Luwi Jano.

Kompositornan ku a komponé un tumba ganadó tambe tin awe nochi manera Ike Jesurun, Hendrik de Windt i Gregory Colina. No tin duda ku awe nochi lo tin bon tumba tei zona i ambiente sin fin. Nos ta topa awe nochi den Festival Center.