WILLEMSTAD.- E popular kantante, Heinrich ‘Rich’ Pieter lo ta enkargá ku organisashon di Festival di Tumba Hubenil 2020. Fundashon JAG ayera di forma ofisial a hasi e menshon i Rich den su deklarashon a indiká ku formashon dje hóbennan komo kantante i kon nan tin ku presentá lo ta un dje puntonan importante pa loke ta trata preparashon di e partisipantenan na Festival di Tumba Hubenil. E festival ta tuma lugá dia 18 di yanüari 2019 i ya inskripshon a habri pa esaki. Por inskribí via di e página di facebook di ‘Tumba Hubenil Kòrsou’. E hóben mester tin entre 9 pa 15 aña di edat. Ora bo bishita e página tin un link kaminda bo por hasi e inskripshon.