MERKA.- Ricky Martin i su amigu, Jwan Yosef a kasa. E kantante a hasi esaki konosí indikando ku e papelnan ta firmá. ‘Mi a kasa, pero e fiesta grandi ta bin aki un par di luna’.
Martin i Yosef tin un relashon for di 2016. Nan a topa otro via di Instagram. E kantante a enkontrá e página di e artista i a keda impreshoná pa su obranan.
‘Mi a tuma e kurashi i skibié’, asina Martin a konta aña pasá. ‘Despues nos a pasa mitar aña ta manda mensahe pa otro, sin ku nunka mi a skucha su bos’. Segun e kantante e kombersashonnan tabata normal, ‘nada sèksi’.
Den e show di Ellen de Generes, e kantante di 46 aña a konta ku e tabata nèrvioso na momentu ku el a pidi su amigu pa kasa. Martin tin 2 yu, ohochi, di 9 aña.