WILLEMSTAD.- Na 1967 un grupo di studiantenan di Maria Immaculata Lyceum (M.I.L.) a forma un kor bou di direkshon di Rignald  Yankey komo studiante. Kor di  M.I.L. tabata kanta durante aktividatnan  religioso organisá  pa pader  Oeverhaus. Kor di M.I.L a desaroyá despues komo un  di grupo di aguinaldo ku respaldo di patrosinadornan.
Na 1968 e  M.I.L kor a bira un kor independiente fuera  di ambiente eskolar. E kor independiente aki ta karga e nòmber ‘Orfeon Allegro’.
Kor Orfeon Allegro ta kumpli riba dia 23 di òktober 2017 49 aña di eksistensia  miéntras

Rignald Yankey ta selebrá 50 aña komo direktor koral (1967).
Riba dia 22 di òktober 2017 kor Orfeon Allegro lo kanta pa 9’or  di mainta un misa di gradisimentu den e prestigioso monumento  Misa di  Sta. Famia den Otrobanda. Dirigènt ta Rignald Yankey i organista ta Johnny  Kleinmoedig.
Riba dia 23 di òktober 2017 kor Orfeon Allegro i e studiantenan di promé  ora lo rekordá i selebrá durante un  Anochi  Kultural e echo ku Rignald Yankey a fungi 50 aña komo
direktor koral sin interupshon. Esaki ta sosodé den un ambiente  familiar koral.