MERKA.- Rihanna a entregá un demanda kontra di su tata, Ronald Fenty, debí ku e tata a krea un empresa bou dje nòmber ‘Fenty Entertainment’, bou di kua aparentemente e ta hasiendo negoshi for di 2017 sin outorisashon. Informashon ku a keda konfirmá pa TMZ.
E artista a sigurá ku su tata ta benefisiá di e trayektoria ku e a logra durante di añanan.
Tambe a keda konfirmá ku su tata i sosio a apoderá di forma froudulento di su nòmber solisitando miónes di dòler pa supuesto espektákulonan sin su pèrmit.
Ronald, bou di e nòmber ‘Fenty’, mesun nòmber ku Rihanna ta usa pa su liña di kosmétika, lo a usé pa krea un kadena di hotèlnan boutique.
Pa e motibunan aki e kantante a solisitá un hues pa emití un òrdu pa prohibí Ronald pa usa e nòmber ‘Fenty’ i a eksigí un kompensashon monetario.