MERKA.- Rihanna a gradisí pa un presentashon durante di ‘half time’ di Super Bowl, dje forma aki dunando sosten na e hungadó di NFL, Colin Kaepernick. E kantante ta di opinion ku e organisashon di NFL no a atendé e kaso bon.
Kaepernick ta e promé hungadó di NFL ku a baha na rudia durante di presentashon di e himno merikano, pa dje forma aki protesta kontra di e maltrato polisial di ‘afro amerikanonan’. Miéntras tantu e tin mas ku 1 aña sin ta afiliá na niun tim.
NFL no a sostené e lucha di Kaepernick, pero a bini ku un regla ku durante presentashon di himno tur hungadó mester ta para.
Rihanna kende no ta konforme ku e ponensia di NFL a ninga e presentashon.
Superbowl ta e final dje temporada di NFL. E presentashon durante dje tempu di deskanso tradishonalmente ta un espektákulo ku pa masha hopi artista ta un honor pa nan por presentá. Maroon 5 si a aseptá e invitashon i lo presentá durante di Super Bowl ku lo tuma lugá dia 3 di febrüari 2019.