MERKA.- E artista a provoká basta komentario den medionan di komunikashon pa e motibu di pañanan ku el a bin ta bisti den su último aparishonnan den públiko kaminda ta mir’é mas yen ku kustumber, algu no usual. Tin algun medio ku te hasta a kuminsá spekulá ku e por ta na estado.
Ounke ku tin bisá tambe ku Rihanna ta preparando su mes pa un papel den un pelíkula huntu ku Lupita Nyong’o, e pregunta ku tur hende ta hasiendo ta si e transformashon lo ta solamente di paña i no di físika. Si no ta asina, anto e kilonan èkstra ku e kantante tin lo por indiká un embaraso prematuro.
Tur e sospecho a kuminsá ku e trahe ku Rihanna a bisti pa asistí na ‘MET Gala’ na kuminsamentu di luna di mei, diseño segun ekspertonan pa skonde e barika.
No ta promé biaha ku Rihanna ta sentro di atenshon pa un posibel embaraso.