WILLEMSTAD.- Djasabra anochi Kòrsou a konosé dos reina di beyesa lokal nobo ku ta Miss Supranational Curaçao 2021 i tambe AutoCity Queen 2021.

Komo Miss Supranational Curaçao 2021 a sali Risandra Simon i promé finalista Moësha Chrispina. Risandra Simon ta nos representante na e siguiente elekshon internashonal Miss Supranational 2022.

E lo risibí un aña di preparashon den man di un tim profeshonal lokal i internashonal. E promé finalista ta su tarea ta di asumí e posishon si akaso e Miss Supranational Curaçao no por ehersé su funshon. Miss Supranational Organization ku su direktora Brittany Cecilia i vise presidente Gershon Apostel, dos hóben dinámiko, yen di energia i idea inovativo ta keda enkargá ku e preparashon,.

AUTOCITY Queen

E elekshon prinsipal dje anochi tabata AutoCity Queen. Danki na famia AutoCity, espesialmente e General Manager, Peter de Greef asistí pa Sussy Sommer.

AutoCity Queen 2021 ta Najhilah van Dinter i promé finalista a resultá Myshena Reinita.

AutoCity Queen ta bira e kara di AutoCity pa un aña largu. Ademas di tur e premionan ku por a gana nos AutoCity Queen a gana un Chevrolet Captiva 2022 ku seguro pagá pa un aña largu. E lo gosa di tur e benefisionan di ta kara di AutoCity BV.

Un produkshon di kita sombré ku mayoria di mandatario i algun parlamentario tambe presente. Miss Supranational Kòrsou 2021 a risibí su korona for di man di Miss Supranational 2021 Chanique Rabe i André Sleigh ku ta Creative Director di Miss Supranational.

Ku binida di e personanan aki na nos isla a pone ku Kòrsou ta den spotlight mundial i a risibí un promoshon impagabel. Chanique Rabe ta konta ku 78.4K siguidó i e organisashon ta gosa di 309K siguidó riba Instagram. Sin konta nan otro medionan sosial.

Un produkshon lokal ku a gosa di un klase haltu ku tabata den man di Aubrey America, asistí pa Surella Henrietta i team IBFF. Tur patrosinador a yuda pa hasi e anochi i estadia di Chanique Rabe i André Sleigh un éksito rotundo. Chanique ta asina enamorá di Kòrsou, ku el a disidí di no bai ayera Namibia bèk, pero lo keda Kòrsou pa un luna. E lo yuda e reinan ku proyektonan sosial. Tambe e ke hasi un proyekto sosial pa Kòrsou, pa gradisí pa tur loke Kòrsou a hasi p’e durante su estadia.

Angelo Davelaar a pone AutoCity i tambe organisashon Miss Supranational Curaçao den kontakto ku e organisashon madre internashonal.

Rifa di Outo

Djadumingu mainta AutoCity a saka e kupon ganadó di e Chevrolet Tracker 2022 pa pueblo di Kòrsou entre esnan ku a kumpra e rifa. E ganadó a resultá Xiorendy Petronia ku a kumpra su rifa serka kandidata number 13, Shahainy Winklaar.

LAGA UN KOMENTARIO

Please enter your comment!
Please enter your name here