MILWAUKEE, AP.- Un hòmber a hòrta arma den un tienda na sùit di Wisconsin i a menasa ku e ta ehekutá un atake. Esaki a kousa pániko i a sòru ku vários skol a sera.
Mas di 150 polis ta buskando Joseph Jakubowski, di 32 aña, kende ademas a manda un karta pa presidente Donald Trump reklamá gobièrnu, segun informashon di outoridat.
Segun outoridat, Jakuboswki a hòrta un kantidat enorme di pistol i bala den e tienda djamars anochi na Janesville, 110 kilometer na sùitwèst di Milwaukee.
E individual, a bai ku chaleko antibala tambe i un hèlmu. Outoridat a haña un vehíkulo kima, serka di e tienda, esaki tabata su propiedat.
Un persona a indiká ku Jakubowski a bisa ku e ta “kansa: di e situashon polítiko den su pais i “resientemente el a ekspresá un plan di hòrta pistol i usa esaki den un atake no spesifiká”, segun hefe polisial Robert Spoden.
E skolnan públiko di Janesville a kanselá lès i tabatin vários polis den e área.
