WILLEMSTAD-E outfielder yu di Kòrsou, Roger Bernadina, ta sin ekipo aktualmente I lo no por hunga na Korea e temporada benidero. E periodo pa firma hungadornan ekstranhero a termina dia 29 Desèmber ultimo I Bernadina no a firma ku ningun di e dies ekiponan. Tur ekipo ya tin e maksimo di tres hungador ekstranhero riba nan roster pa e temporada benidero aki. Bernadina den 2018 a bati pa averahe di .310 ku 20 honron pero su ekipo, Kia Tigers, no a logra yega muchu lew den playoff. Mester bai wak awor kiko e opshon nan pa e outfielder di 34 aña lo bira pa ku 2019. Sea ku lo e trata na keda na e parti asiatiko òf ku e lo logra firma un akuerdo ku un organisashon di Liga Grandi.