LONDRES, INGLATERA.- E aktor Britániko, Roger Moore, ta e aktor ku mas a interpretá e agente sekreto, James Bond a fayesé djamars último na Suisa na edat di 89 aña despues di un lucha kòrtiku kontra Kanser.
Stima den i pafó dje mundu di espektákulo, Moore lo risibí un entiero priva na Monaco, otro di su residensianan, asina su tres yunan, Deborah, Geoffrey i Chiristian, a indiká den un komunikado ku a keda publiká riba e kuenta di twitter.
Moore ta keda atmirá rònt mundu, tantu pa esnan ku tabata konosé komo pa su trabou na Unicef, motibu pa kua el a risibí e título di ‘Sir’.
E klup internashonal di atmiradónan di James Bond a señalá ayera ku niun hende komo Sir Roger Moore, no a hasi e papel di Bond mas mihó, i nan a resaltá ku e tabata un gran embahador di e frankisia di e famoso spion.
For di despues di 1972 ku el a tuma e ròl di Sean Connery, Moore a sa di mantené bibu e spiritu krea pa e outor, Ian Fleming, durante dje 7 pelíkulanan ku el a duna bida komo e agente 007, asina e klup a sigurá.