MERKA.- E kantante Romeo Santos, konosí komo ‘E Rei di Bachata’ ta sigurá ku su eks mènedjer a hòrt’e kasi mei mion di dòler durante di su gira ‘Vol. 2 World Tour’ na 2015.
E bachatero, ku su nòmber di bèrdat, Anthony Santos, no a keda sinta ku man krusa, djaluna último el a presentá un demanda kontra di Angelo Medina Mercado i su empresa den korte na New York, ku e propósito pa rekuperá e sèn ku ta den disputa kual ta keda kalkulá na 481.146 mil dòler, mas interes.
Medina ta un famoso mènedjer Portorikeño i den pasado a representá: Ricky Martin, Mana i Draco Rosa.