Ronald Marcial Carlo
Aviso di Morto
Salmo 23
Señor ta mi wardador mi no tin falta di nada. Den kunuku di yerba bèrdè e ta pone mi sosegá.
A bai sosegá den brasa di Señor
Ronald Marcial Carlo
*10-07-1937 - †11-08-2021
Mihó konosí komo Ronchi
Ta anunsiá dia, ora i lugá di entiero despues.
Pa demostrá bo kombibensia subi e website
www.eltributokondeler.com i manda bo kondolensia pa famia.
silviokoeiman@hotmail.com
Mi mas sinsero kondolensia ta bai na tur e famianan ku e fayesimentu di Ronchi. Nos bon bisiña di bario di Wishi huntu ku Elco Carlo. Den e introdukshon dje aviso aki boso a menshoná un frase ku tur hende lo bai di akuerdo ku boso.: “ Señor ta mi wardador mi no tin falta di nada". Esaki ta berdat pasombra ora un hende muri, e uniko persona ku por bolbe trese e defuntu na bida atrobe ta Dios. Ronchia a biba 84 aña. El a kaba di hasi'é dia 11 augustus ei. Ta hopiii forsa di bida Ronchi tabatin…Pasobra antes hende tabata biba mas largu. Beibel ta bisa ku un tempu hende tabata biba hopi mas largu ku nos ta biba awendia. E ta bisa na Genesis 5: 5 ” Tur e dianan ku Adam a biba tabata 930 aña”. Na Genesis 5: 27 ” Tur e dianan ku Matusalen a biba tabata 969 aña”.. Na Genesis 9: 29 ” Tur e dianan ku Noe a biba tabata 950 aña. Salmo 90:10 ta bisa, i esaki Moises a profetisa pa nos tempu ” E dianan di nos bida ta setenta aña of si e hende tin hopi forsa ochenta aña…Bèrdat awe nos ta biba entre 70 i 80 aña. Pero Ronchi a pasa e edat aki bai, dus e tabatin hopi forsa pe la alkansa e edat aki i asta a pasé. Hende tabata biba mas largu antes debi ku nan tabata mas serka di perfekshon. Yob tabata un homber ku a pèrdè tur su rikesa i a pèrdè 10 yu den un tiru. Yob a desea pa muri pa haña alivio dje slanan di bida. Yob a hasi un pregunta ku mi ta kere ku hopi di nos ta hasi’é. Su pregunta ta na Yob 14:14 ” Si un hende muri, lo e por bolbe biba?? Na vers 15, Yob mes ta kontesta su pregunta ” Abo lo yama, i ami lo kontesta Bo, lo Bo anhela na e obra di bo mannan. Ku esaki Yob a mustra ku e ta kere den resurèkshon dus ku Dios ta anhela pa trese e mortonan na bida atrobe..Hesus a mustra ku ora e mundu ser transforma den un paradeis atrobe, e mortonan lo ser yama un pa un na nan nomber pa bini afo. Na Lukas 23:43 Hesus a priminti un homber ku a muri mes dia kuné riba staka “Di bèrdat mi ta bisa awe, Lo bo ta ku mi den paradeis”.. Mi ta spera ku pronto boso tristesa lo kambia den alegria, e alegria di mira Ronchi bèk na bida den e paradeis terenal manera Hesus a priminti na Huan 5:28,29 ” No straña boso riba esaki, pasobra e ora lo yega den kual tur ku ta den graf lo tende su bos, i lo sali….Den e manera aki Dios por fin lo a kaba ku nos enemigu di mas grandi, morto. Esta un konsuelo.
Stanley Gijsbertha
Famia Carlo Hopi forsa ku perdida di un Amigu i un kolegial del alma. Un Kaballero di hopi respet. Pas na su Alma. Stanley Gijsbertha y famia.
Emirto Scoop.
Kondoleer i forsa na famia.
Jenny Pardo
Kondeleer na Famia Carlo ku perdidá di nan ser keri. Di parti Maria Pardo-Carlo i junan
robert carlo
Kondoleer na famia y konosirnan. Hopi forsa den e momentunan difisil aki. R. Carlo
Eligia Schoop Lourens
Romulo I Ligia Schoop Lourens forsa pa e kambio di bida di un ser keri
Ruthsela Coster
Criselda, Mena, Deska y famia Carlo, kondoleer ku e perdida di bo(snn) ser keri. Ruthsela, Ayeska y Ashna Coster
Sharline Gaari
Kondoleer ta bai na famia Carlo ku boso perdida ,forsa hopi forsa , ta algu ku no tin palabra pa por bisa un hende pa for hanja un alivio,ta hopi duru pero ku nos bon Dios lo duna bosa forsa pa por pasa den e parti duru aki kondoleer. Sharline Gaari
Ginette Panjab
Jurnil i ruman nan i demas famia Carlo, kondoleer di e morto di boso tata. Forsa den e dianan aki i ku boso por tin konsuelo den nomber di Dios.
Ivy Prince-Doppia
Kondoler i forsa pa famia Famia Doppia
J. de Lima
Kondoler i forsa pa famia Famia de Lima Chatlein
Elaine Latina
Kondoleer y Forsa na Fam. Carlo Ku e perdida sensibel aki Nanchi Jurnile y Giovani Y tur sobra famia . Tata sosega na paz 🙏🏼
Enid Sprott Schoop i famia
Forsa i konsuelo pa famia.