Rosarita Dorothea Fecunda-Gosepa

Inesperá ami

Rosarita Dorothea Fecunda-Gosepa

a risibí un invitashon masha speshal. Si, Tata selestial a laga mi sa ku E ta na altura ku mi tabatin un ka'i òrgel i ku mi sa organisá baile di kah'i òrgel pa hende grandi. P'esei El a invitá mi bin pa mi bin pone un baile di kah'òrgel i pa mi mes tambe drai un par di piesa riba e kaha. Mama Maria lo lei mi hiba e sala di fiesta. Asina ta ku mi ta despedí di tur mi hendenan, esta: subrinonan, famianan, bisiñanan i demas konosínan. Mi ta bai dilanti bai topa ku hopi famia i konosí, den e speransa ku un dia abo tambe lo t'ei pa baila riba tononan di tingilingi bòx huntu ku mi.

Mi ta despedí di mi subrinonan:
Elka i Pablo Walter-Elizabeth, Glenda Elizabeth, Elsio Gosepa,
Elia Gosepa, Stella Rofina, Edna Capriles-Rofina, Erquiles Gosepa,
Riles Gosepa, Marcel Gosepa, Cornelis Gosepa, Marquita Gosepa,
Minerva Oudegroen-Gosepa, Elly Hous-Lourens, Senia Lourens,
Angel Lourens, Mayda Pieters-Gosepa, Marvis Ernestina-Gosepa,
Ludmila Gosepa, Anelda Rosina-Gosepa, Myrugia Gosepa,
Gilbert Gosepa, Herbert Gosepa, Hensley Gosepa.
Tur ku nan respektivo famia.

Tambe mi ta bisa mi primu i primanan te despues, esta:
Edna Koeiman, Juliana Presentacion i rumannan,
Don Gosepa, Guillermina Kruithof i ruman.
Tur ku nan respektivo famia.

Mi ta despedí di mi bon konosínan i mi dushi bisiñanan esta:
Arthur i Vilma Fecunda, Filomena Sebelon, Lu i Madeline Maccow,
Carla Ricardo, Camila Felipa i tur mi demas bon bisiñanan.

Mi ta yama ayó na tur mi kolega-amigunan habitante i Pèrsonal di Nos Welita. Mil danki pa tur e añanan ku nos por tabata huntu. Awor mi ta bai dilanti.

Na final mi ta bisa: Adios, te despues na famianan Gosepa, Fecunda, Petronia, Petronilia, Leonora, Koenraad, Francisca, Elizabeth, Servania, Rooi, Raís Gosepa.

Ta duel mi sinseramente ku pa motibu di covid-19 mi no por reuní ku bosnan tur pa delaster biaha aki bou, pa nos por despedí di otro bou di tononan di mi kaha di òrgel. Esei ta keda pa despues.