WILLEMSTAD.- Djasabra anochi den Because Garden a tuma lugá e elekshon di embahadornan pa e Parada di Tiner 2020 di Grupo ‘I Love Hip Hop and R&B’.
Dilanti di un tremendo públiko e 8 partisipantenan a duna tres presentashon, spich, show di talento, trahe karnavalesko i a hiba un kombersashon ku hurando riba e tema ‘Eskudo di Kòrsou’.
REI TINER
E di tres finalista, trahe mas impaktante i mas kreativo di tres presentashon a resultá: Alexander Juliana. Bryangelo Claresa a bai ku e premio di segundo finalista. Komo promé finalista a keda premia: Shersand Wanga kende a gana premio tambe pa trahe mas kreativo di promé presentashon. E Rei Tiner di ILHHRB 2020 a resultá Dievenier Hamen ku a gana premio tambe pa Mihó Talento.
REINA TINER
Pa e elekshon di Reina Tiner e di tres finalista a resultá: Suyay Garcia. Marinelis Eisden a gana e premio di segundo finalista. Keilan Isidora a resultá e promé finalista.
Roshainy Windster a resultá e Reina Tiner pa Grupo ‘I Love Hip Hop and R&B’ ganando aserka premio pa Reina Mihó Talento, Mas Popular, Reina Internet, mas dinámiko, trahe mas kreativo promé presentashon i trahe mas kreativo i mas impaktante di tres presentashon.
Riba foto nos por apresiá e embahadornan di ‘I Love Hip Hop and R&B’ 2020.