WILLEMSTAD.- Pasku ta un temporada kaminda den kada kas di famia, ta pone hopi énfasis riba e parti di union. Un kansion ku ta papia tokante di e union di famia ku huntu ta disfrutá di un sena familiar.
Esaki ta e mensahe prinsipal ku Roshan-bby ta trese padilanti den su siguiente hit ‘Pasku den Karibe’.
Riba ritmo soft-afro, Roshan-bby ta trese e mensahe positivo akí, kual ritmo ta diferensiá for di e ritmonan tradishonal di kansionnan di Pasku.
Roshan Bernabela (Roshan-bby) ta agradesí pa e sosten duna na dje i su crew te na e momentunan akí. ‘Danki na bo(so) sosten ku e kansion Panda a wòrdu bon risibí den komunidat i ta zonando na diferente emisora lokal i su videoclip por ser mirá na nos plantanan di televishon’.
Roshan-bby ta un hóben ku no ta para ketu i pa 2018 por spera mas di su kansionnan ku semper lo tin e mensahe positivo pa nos pueblo.
Roshan-bby i su crew kier a deseá un i tur un felis Pasku!
Pa skucha e single nobo aki  por subi  Youtube, Facebook i na Radio emisoranan lokal.
Riba youtube :ROSHAN-Pasku den Karibe (Lyrics Video). Soundcloud.com/roshan-bernabela/roshan pasku den karibe.