Roshon Dortalina.

GRADISIMENTU

Ku kurason yen di gratitut, nos kièr a gradisí tur
famia, amigu i konosí ku a mustra nan sosten,
kariño i presensia durante entiero di nos defuntu
stima,

Roshon Dortalina

Nos ta sumamente gradesido pa kada mensahe di
konsuelo, kada krans i tur otro muestra di kariño
ku nos a risibí den e momento difísil aki. Kada
gesto, grandi òf chikí, tabata di gran balor pa nos i
a duna nos forsa i konsuelo.

Un gradisimentu spesial ta bai na Joy By Oprha, pa e bunita blusanan di drùk ku potrèt di nos defuntu stima riba nan. Nos no tin palabra sufisiente pa ekspresá kon hopi nos a apresia e gesto spesial aki.

Tambe nos kièr a gradisí El Consolador di kurason pa e bon trato, atenshon i sosten ku nos a risibí serka nan durante e proseso.

Na mes momento, nos kièr a invitá tur famia, amigu i konosí pa asistí na e misa di 8 dia di nos defuntu stima Roshon Dortalina, ku lo tuma lugá djadumingu 13 di Sèptèmber 2026, pa 6:30 p.m., na misa di Sta. Maria.
Despues di misa ta risibí bishita na kas.

Nos lo apresia mashá si tur esnan ku tin e blusa di drùk ku potrèt di Roshon por bisti'é atrobe pa e misa, komo un bunita muestra di amor i rekuerdo na dje.

Un biaha mas, di fondo di nos kurason, masha danki na kada un di boso pa e kariño, sosten i presensia.

Dios bendishoná boso tur.
Roshon Dortalina, semper den nos kurason.