WILLEMSTAD.- Siman pasá djamars Rumba Band a lansa su mes bèk den farándula di Kòrsou i mester bisa ku mesora tabata bisto ku por spera hopi inovashon di nan banda.
E banda dirigí pa Henley Davelaar a presentá un front ku dos kantante femenino, basista i kitarista den front, algu hopi plasentero pa e amante di bon entertainment.
E banda ta focus riba nan ritmo tradishonal ku ta un meskla entre zouk i kizomba ku un toke spesial di Rumba Band.
Pa e siman aki por spera e promé kansion promoshonal di Rumba na radio i riba retnan sosial. Pa fin di luna e banda ta pendiente pa lansa un EP riba merkado.
‘Like’ i sigui e página di facebook di Rumba Band ku ta produsí pa ‘5coloers Media’, paso pronto lo anunsiá e sitionan, tradishonnan nobo ku ta bai kuminsá.
Pa mas informashon por tuma kontakto ku Rumba Band na rumbabandcuracao@gmail.com òf yama 670-8173 òf 513-2841