KIEV, UKRANIA, AFP.- Rusia a lansa un ola di bombardeo kordiná i mortal kontra vários siudat di Ukrania, inkluyendo e kapital, i a menasá ku réplikanan “severo” si Kiev bolbe ataká.

Por lo ménos 11 persona a muri i 89 a keda heridá despues di e kampaña di mas grandi di atakenan den vários luna, segun indikashon di polis ukraniano.

E general di Nashonnan Uní, Antonio Guterres a bisa ku e atakenan aki ta sigui empeorá e guera i ta inaseptabel, segun indikashon di su bosero Stephane Dujarric.

E bombardeonan ta represaya pa e eksploshon di un brùg parsialmente destruí djasabra, ku ta konektá e península di Crimea ku Rusia kontinental.

E eksploshon riba e brùg, inougurá na 2018 pa Putin i símbolo di e aneksashon di Crimea na 2014 ta un gòlpi pa Rusia, ku ya a pèrdè hopi tereno na Ukrania den e último simannan ku a pasa.

Presidente ruso Vladimir Putin a bisa ku si e “intento di atakenan terorista” di Ukrania kortina, e réplikanan lo ta mas “pió”.

E hefe di diplomasia ukraniano, Dmytro Kuleba a bisa ku posiblemente Putin ta desesperá pa e derotanan ku su sòldatnan a sufri riba teritorio di Ukrania. P’esei, e ta “usa terorismo pa kambia rumbo di e guera na su fabor”.