WILLEMSTAD.- For di hóben Russellon a mustra interes pa músika. Ku 15 aña el a kuminsá forma parti di diferente formashon musikal. Tokando kitara el a forma duo ku Ashley Heyliger i dje forma ei a toka na diferente aktividat.
Konosí komo un dje kantantenan di e formashon ‘2by2’, Russellon no a para ketu pero a komponé diferente kansion pa bandanan lokal manera OK Band, ERA, Magic Sound, Big Star, Simplemente Perfecta, Tune i grupo di rap ‘Full Force’.
Simultaniamente ku yuda agrupashonnan musikal lokal, Russellon tabata sinti hopi pa e género di músika R&B i Accapella. Esei a bira motibu pa ‘2by2’ mira lus di dia na 1997.
Aworakí ku bendishon i koperashon di ‘2by2’, di kual e ta forma parti ketu bai, Russellon ‘Mr. Plons’ a kuminsá ku un proyekto komo ‘Solista’.
Huntu ku su areglista i produktor musikal, Clifford Martina nan a produsí ‘Dos Mundu’.
Próksimamente un videoclip dje kansion lo keda produsí pa Daniel Picus.