WILLEMSTAD.- Na inisio di selebrashon 10 aña Grupo Rítmiko Sablika, ta invitá pueblo di Kòrsou pa bin selebrá nan aniversario di un manera ku nan so por, den un tremendo ambiente musikal. Esaki lo tuma lugá djadumingu 14 aprel, na Club Union Boneriano.
Huntu ku nan amigunan musikal, Grupo Kompèr, Oriri i di mes Sablika, huntu ku Mc Monti i KM 2019. For di 4 or di atardi pa 11 or di anochi. Entrada ta 5 florin, in=in / out=out.
Ta kuminsá selebrá pa asina gradisí pueblo di Kòrsou pa e aseptashon 10 aña largu tresiendo ambiente i mensahe nan positivo kultural.  Grupo Rítmiko Sablika a sa di engrandesé nos Kultura den tur forma posibel. Bin selebrá ku e Famia di Sablika.