WILLEMSTAD.- Awe tardi 6 or lo tuma lugá na St. Willebrord College na Otrobanda, dilanti Misa di Sta. Famia e sakamentu di órden di presentashon pa Kantadó Mayó 2019.
Fundashon Kultural Seú Kòrsou huntu ku Komishon Kantadó Mayó ta hasi un invitashon pa tur Gruponan Rítmiko ku ta partisipá pa manda un representante.
Djárason awor, 20 di mart pa 7.30pm lo tin un anochi di informashon pa tur partisipante di Kantadó Mayó huntu ku hurado.
Fundashon Kultural Seú Kòrsou for di awor ta deseá tur partisipante na Kantadó Mayó 2019 tur klase di éksito.