WILLEMSTAD.- Djasabra anochi den Lanthùis Brakkeput Mei Mei ta ‘Salsa de los bravos’ a zona. E proyekto musikal di Randal Corsen huntu ku su orkesta i e trio di kantante forma pa Yumarya Grijt, Rich Pieter i Dibo Doran a presentá un konsierto karga ku kansionnan ku a laga e públiko gosa di henter e presentashon. Te hasta esnan ku no por a sinta mas tabatin espasio pa nan por a lanta baila. ‘Salsa de los Bravos’ a resultá den un éksito i mester bisa ku ya kaba ‘DEN E BEMBE’ a tende ku ta pendiente ripití ‘Salsa de los Bravos’ dia 5 di ougùstùs próksimo. Riba e potrètnan ku ta kompaña e artíkulo bo por haña un impreshon dje akohida di ‘Salsa de los Bravos’ i tambe dje goso dje públiko bailando nan piesanan preferí.