SAN SALVADOR, AP.- Despues di pasa un dékada den prizòn, un muhé salvadoreño a rekuperá libertat djaweps despues ku Korte Supremo di Hustisia a redusí su sentensia di 30 aña di prizòn dor di hasi aborto.
Den su resolushon, e tribunal máksimo a konsiderá ku e prueba sientífiko no ta permití pa determiná ningun akshon boluntario ku ta sòru pa morto di un beibi.
Carmen Vasquez, di 35 aña, a drenta e sistema penitensiario den yüli na 2007 i a wòrdu kondená pa un tribunal di San Salvador den febrüari 2008.
Korte a defendé su resolushon indikando ku “tin motibunan poderoso di hustisia, igualdat i índole hurídiko ku ta hustifiká pa e wòrdu faboresé ku un redukshon den su sanshon”.
“Mi ta kontentu di por a regresá ku mi famia ku durante 10 aña i shete luna mi tabata separá di nan”, asina e dama a bisa.
El a wòrdu risibí pa su famianan i mas di binti muhé di organisashonnan no gubernamental ku ta lucha pa derechonan di muhé na El Salvador.
e organisashon Amnistia Internashonal a señalá den un komunikado di prensa ku e liberashon mester trese fin na e prohibishon total di aborto na El Salvador.
