WILLEMSTAD.- Ayera nochi den Atrium di Renaissance Curaçao Resort and Casino a tuma lugá e sertámen di Miss Curaçao Teenager 2017. E aña aki e tema dje sertámen tabata ‘Viva al Tango’. Un públiko grandi a disfrutá dje tema i e sertámen ku a kana bunita.

Resultado

E hurado no tabatin un anochi fásil. E bon presentashon dje hóbennan a pèrkurá pa un sertámen riba nivel i pèrta.

Premio pa Miss Elegansia, Miss D’Bites, Miss Popular i Miss Elegansia a bai pa Xhyllienne Nivillac; Miss Disiplina: Samantha Guzman; Miss Curaloe, Miss Beauty for the Community: Jaysa Doorje; Miss Fotogénika i Miss Amistat: Micaela Pieter; Miss Internet: Angelle Curiel.

Segundo finalista a resultá Jaysa Doorje. Promé finalista: Nerissa George i Miss Curaçao Teenager 2017 a resultá Samantha Guzman.