WILLEMSTAD.- Djaweps anochi e grupo di Karnaval ‘Sambodromo Curaçao’ a presentá nan trahe pa Karnaval 2018. E tema ku nan a skohe ta ‘Amazon Rainforest’ su flora i founa.
E trahe ‘Shabono’ ta representá e aldea ku e indigenanan ta biba aden. E ‘Macaw’ ta e para mas konosí den Amazon.
Pa motivá i engrandese e futuro di partisipantenan den nos karnaval,  ‘Sambodromo Curaçao’ a opta pa duna kolaborashon na un skol i den e kaso aki ta na fabor di Nilda Pinto SBO. Nan trahe ta representá e tribu di ‘Kayapo’.
‘Kayapo’ ta e tribu ku semper a lucha pa mantené nan nan área protehá dor di intrusonan ku kier distruí nan frontera i nan rikesa den nan teritorio.
Riba foto nos por tuma nota dje trahe pa Parada di Tiner pa Nilda Pinto SBO i Gran Marcha pa ‘Sambodromo Curaçao’.