BOGOTA, AP.- E negosiashonnan entre gobièrnu kolombiano i Ehérsito di Liberashon Nashonal a stanka despues ku e presidente Juan Manuel Santos a suspendé inisio di un siklo nobo di kombersashon djaluna debí na e atentadonan resien atribuí pa e gueria. Esaki a laga por lo ménos shete morto i mas di 40 herido.
E di sinku rondó di negosiashon mester a tuma lugá den e próksimo dianan den e kapital ekuatoriano.
Den un aktividat ku kampesinonan pafó di e kapital, e mandatario kolombiano a bisa ku lo no ta mira un koherensia ku ELN su palabranan i su akshonnan. Outoridat ta atribuí por lo ménos tres atake na e gueria den último dianan den e siudat karibense di Barranquilla, inkluyendo unu kontra un stashon di polis ku a kosta bida di sinku agente i a heridá mas di 40.
