LOS ANGELES, MERKA, AFP.- E aktris merikano Scarlett Johansson a demandá Disney su studionan pa motibu ku a estrená e pelíkula di superheroe “Black Widow” via streaming na mes momentu ku den sinenan, indikando esaki a kost’é miónes di dòler.
Johansson, un di e estreanan di mas mihó paga di Hollywood, tin derechi riba un porsentahe di entradanan di sine, segun e demanda presentá di Tribunal Superior di Los Angeles, California.
“No ta un sekreto ku Disney ta lansa pelíkulanan manera “Black Widow” direktamente riba Disney+ pa atraé suskriptornan i tambe impulsá preis di akshon di e kompania, pero usando COVID-19 komo preteksto pa hasi esaki”, asina e abogado di Johansson, John Berlinski a bisa den un deklarashon na AFP.
E pelíkula mester a estrená den sinenan aña pasa, pero a aplasá e fecha vários biaha dor di COVID i finalmente a estrená e pelíkula simultáneamente den sinenan i riba Disney+.
Meskos ku mayoria estudio di Hollywood, Disney a priorisá transmishon ‘online’ komo un fuente di entrada di futuro.
