Krioyonan den MLB

Kenley Jansen (Los Angeles Dodgers) pa di dos anochi sigui ta salba e wega pa su ekipo Los Angeles Dodgers. El a drenta saka 1 out ponchando e úniko bateadó ku el a enfrentá pa asina sigurá su di 17 wega salba di temporada

Jonathan Schoop (Minnesota Twins) a bai di 2-2 ku 2 kareda anotá i 1 base por bola risibí. El a roba su promé base di temporada

Jurickson Profar (Oakland A’s) a bai di 3-0 ku 1 base por bola risibí. Tabatin bunita asistensia sakando koredor out den un intento di robo

Didi Gregorius (New York Yankees) Didi Gregorius pronto por djòin Yankees. E dianan aki lo bai ta krusial pa e shortstop yu di Kòrsou Didi Gregorius, Aktualmente Gregorius ta hungando partidonan di rehabilitashon ku e sukursal Tripel A di New York Yankees. Espektativa ta, ku tur probabilidat, Gregorius por ta bèk den Liga Grandi na momentu ku Yankees lo ta di bishita serka Toronto Blue Jays i Cleveland Indians otro siman

Xander Bogaerts (Boston Red Sox) a bai di 4-1 ayera

Ozhaino Albies (Atlanta Braves) a bai di 3-1 ayera

Andrelton Simmons (Los Angeles Angels) ta riba lista di hungadónan leshoná pa rekuperá di e leshon na su ènkel. No tin un bista kla ainda ki dia Simmons por ta bek den akshon

 Na Hapon

Coco Balentien (Yakult Swallows) a bai di 4-2 ku 2 kareda empuhá

 Lupa riba Liga Menor

Kevin Jospehina i Shean Michel (Florida Fire Frogs, afiliashon Klase A di Atlanta Braves) Josephina a bai di 4-2 ku 1 kareda empuhá i Michel tambe a bai di 4-2 ku 1 kareda empuhá i 1 kareda anotá

Juremi Profar, 1b (Frisco RoughRiders, afiliashon Dòbel A di Texas Rangers) a bai di 4-1ku 1 kareda empuha i 2 base por bola risibí

Ademar Rifaela, OF (Bowie Baysox, afiliashon Dòbel A di Baltimore Orioles) no a mira akshon ayera

Hendrik Clementina, C (Daytona Tortugas, afiliashon Klase A Avansa di Cincinnati Reds) a bai di 4-1 ayera

Sherten Apostel, 3b (Hickory Crawdads, afiliashon Klase A di Texas Rangers) a bai di 3-1 ku 1 kareda anotá i 2 base por bola risibí

Calten Daal, 2b (Chattanooga Lookouts, afiliashon Doble A di Cincinnati Reds) a bai di 4-2 ku 1 kareda empuhá i 1 base por bola risibí

Shervyen Newton (Columbia Fireflies afiliashon Klase A di New York Mets) a drenta bati komo emergente den di 8 ining a a konektá un hit i anotá 1 kareda

Edmond Americaan, OF (South Bend Cubs, afiliashon Klase A di Chicago Cubs) a bai di 4-1 ayera

Gianfranco Wawoe, 2b (Southern Illinois Miners, Liga Independiente) a bai di 5-2 ku 1 kareda empuhá i otro anotá

Shairon Martis, Curt Smith i Randolph Oduber (Lincoln Saltdogs, Liga Independiente) Smith a bai di 4-0 ayera i Oduber di 3-2 ku 2 kareda empuhá i 1 kareda anotá riba su di 2 honron di temporada. Martis no a mira akshon

 Play of the Day