WILLEMSTAD.- Un album postumo di Michael Jackson titula ‘Scream’ ku lo inklui 13 di su klasikonan mas baila manera ‘Ghosts’, ‘Thriller’ i ‘Dirty Diana’ lo keda estrena dia 29 di september proksimo, asina Sony Music a anunsia ayera.
E album ta kontene un kansion ekstra: ‘Blood on the Dance Floor X Dangerous’, ku ta un remix di ‘The White Panda’ kaminda e kansionnan ‘Blood on the Dance Floor’, ‘Dangerous’, ‘This Place Hotel’, ‘Leave me Alone’ i ‘Is it Scary’ ta forma parti di dje.
E album lo sali na benta den dos format fisiko: CD i dobel vinyl ku ta bria den skuridat, esaki lo ta na benta entrante 27 di oktober, kada un ku un poster eksklusivo.