WILLEMSTAD.- Djasabra anochi den sala Shon Pe Hooi na Barber a tuma lugá e elekshon di Reina, Prens i Pancho adulto pa Karnaval di Bándabou. Un sala yen fanátiko a bin apoyá nan partisipante faborito.

PREMIASHON REINA
Seajae Fraai-Sambo a gana e premio di Reina Brindo. Daisha Jansen a gana premio pa Mihó Show, Mihó Trahe, Mas Popular i Mas Dinámiko. Segundo finalista a resultá Dyshona St. Jago; promé finalista Daisha Jansen i komo Reina di Karnaval 2019 a korona Seajae Fraai-Sambo.

PRENS I PANCHO
Premiashon di duonan a bai dje siguiente forma: Mas Dinámiko - Roviendrick Nocento i Jendrey Mingeli. Duo Mihó Trahe - Jaqier Tweeboom i Clarckson Kraal. Promé finalista a bai pa Jaqier Tweeboom i Clarckson Kraal. Prens i Pancho Karnaval Bándabou 2019 a resultá Roviendrick Nocento i Jendrey Mingeli.