WILLEMSTAD.- E revista ta indiká ku e artista ántes konosí komo ‘Puff Daddy’ tabatin un entrada di 130 mion dòler, entre promé di yüni 2016 pa promé di yüni 2017.
Forbes ta bisa ku e gira ‘Diddy Bad Boy Family Reunion Tour’, un invershon den e vodka Ciroc i e benta di akshon di un tersera parti di su liña di paña ‘Sean John’ pa 70 mion a kontribuí na su ganashi.
Na di dos lugá a keda Beyonce ku un entrada di 105 mion di dòler, ta sigui e outor di Harry Porter, J.K. Rowling ku a logra 95 mion dòler den mesun temporada, sigui pa Drake i e astro di futbòl portugues, Cristiano Ronaldo.
Pa loke ta trata e latinonan, e futbolista Argentino, Lionel Messi, komo e promé ta na puesto number 14 riba e lista ku 80 mion dòler na entrada. Sofia Vergara ku 41 mion dòler na entrada ta na puesto 58, Jennifer Lopez na # 65 ku 38 mion i e futbolista Neymar ku 37 mion na # 71.
E artista mihó pagá di aña pasá, Taylor Swift, a baha i ta na puesto # 49. E kantante tabatin un entrada di 44 mion dòler, despues ku aña pasá el a logra 170 mion dòler na entrada.