WILLEMSTAD.- Riba e pregunta si Fundashon JAG a kumpli ku tur eksigensia poné pa Sektor di Kultura i Deporte, sra. Lisette Sambo Velder a deklará ku Fundashon JAG a kumpli ku entrega di relatonan finansiero. Tantu e relato di 2018 komo esun di 2019 a keda entregá, e último a keda entregá den luna di mei 2019 konforme reglanan. Pa loke ta trata e desishon di no tene un destaho públiko pa saka un organisadó di Karnaval 2020, sra. Sambo Velder a deklará ku e Lei di Supsidio (LB Supsidie) di 2016 mester di revishon i ku aworakí konforme artíkulo 9 dje ordenansa bo mester inskribí pa por yega na remarke pa por risibí supsidio. Gobièrnu a duna eksonerashon riba e eksigensia di artíkulo 9, loke a hasi posibel ku no tabata nesesario pa tene un destaho públiko. Despues ku Fundashon JAG por a kumpli ku e programa di eksigensia Minister a tuma e desishon pa formalisá e kolaborashon entre Gobièrnu i Fundashon JAG, esaki riba konseho positivo di Sektor di Kultura i Deporte.