WILLEMSTAD.- Tur kos ta kla pa e di 20 edishon di ‘Dia di Bándariba’ ku lo tuma lugá dia 4 di novèmber próksimo den kayanan di Barbuquet.
Pa e aña aki animashon musikal lo ta na enkargo di Hype, Grupo Limania, Los Originales, Sablika, Forsa 2, XD i SO ta konfirmá.
Djadumingu 4 di novèmber 2018 Fundashon Plataforma Bándariba ta bai selebrá e di kuater lustro di ‘Dia di Bándariba’, e aña aki e selebrashon lo ta dediká na e tim kampion mundial di Senior League (Liga Pariba) di Kòrsou.
STENT
Tur hende ku ke pone un stènt pa e evento aki por inskribí te ku dia 26 di òktober próksimo. Dia 26 di òktober ta último dia pa bo reserva bo ‘kavel’, despues dje fecha aki no por tuma mas petishon. Kòrda ku bo karchi di kùr mester ta na òrdu, no ta aseptá niun hende ku no ta di kùr.
Pa mas informashon por yama Nathaly na 522-5333, 767-1531 òf Maida Bentura na 563-0268.