WILLEMSTAD.- Djasabra anochi na okashon di selebrashon di 250 aniversario di Fortkerk, e misa Protestant mas bieu na Kòrsou, a tuma lugá un konsierto di piano ku presentashon di Johnny Kleinmoedig, Randal Corsen i Norman Moron. Un sala yen a disfrutá dje presentashon di e tres gran pianistanan aki. Riba potrètnan nos por apresiá e tres maestronan riba piano den akshon.