WILLEMSTAD.- Bin wapa i selebrá 65 aña di Club Union Boneriano. Simadan, e fiesta kultural típiko di Bonaire. Tradishon i kustumbernan di Simadan ta pega na kurason di e pueblo di Bonaire i tur di desendensia boneriano na kualke parti di mundu. Club Union Boneriano ta organisá djadumingu, 8 di aprel 2018 tremendo Simadan den edifisio di C.U.B. E aña aki e selebrashon di Simadan ta dediká na sr. Venancio ‘Pacheco’ Domacasse kende a hasi hopi tantu pa e kultura di Bonaire i esun di Kòrsou. For di 4’or te 11’or por wapa riba tononan di Grupo Kompèr, Grupo OriRi i Grupo Kariño fo’i Bonaire. Entrada general ta 5 florin. Bini unu bini tur.