WILLEMSTAD.- E temporada di kosecha a kuminsá i ta p’esei e famia di Sablika kier a invitá tur persona ku kier partisipá huntu ku e gran famia di Sablika pa bin inskribí. Mucha for di 7 aña te ku adulto por inskribí.
E aña aki Marcha di Seú ta kumpli 45 aña i Grupo Rítmiko Sablika 10 aña, pues hopi motibu pa selebrá otro fiesta kultural di nos pais.
Bo ta keda kordialmente invitá pa djabièrnè, 8 di mart, pa 7.30’or di anochi na Sentro di Bario Sta. Rosa pa por haña tur informashon i paga bo inskripshon di 50 florin pa persona pa bo tambe por forma parti di e famia di ‘E Rais di Sablika’ huntu ku Grupo Rítmiko Sablika.
Pa mas informashon por tuma kontakto ku Shurendi Pieternella na telefòn +599 9 662 9958 òf ku Sonalie Rollins na telefòn +599 9 515 6358.