WILLEMSTAD – Ku pasenshi selekshon di Reino mester a sinta warda wak kiko ta bai sosodé den e wega entre Hapon i Israel. Tabatin vários esenario posibel pero esun mihó pa Reino tabata un viktoria pa Hapon. Ku e viktoria di Hapon di 8-3 riba Israel, e tim di Henlsey Meulens a sigurá nan pas’e pa e buèlta semifinal na Los Angeles. Ku nan pasashi sigurá awor nan sali rumbo pa Merka. Segun informashon e selekshon di Reino lo biaha promé pa Arizona pa hunga un wega di ekshibishon einan kontra di un ekipo di Liga Grandi i despues sigui pa Los Angeles ora ku djaluna e buèlta semifinal ranka sali.