MIAMI, MERKA.- Ounke ku el a fayesé 22 aña pasa, e músika di Selena Quintanilla ta sigui bibu den e mundu artístiko. Djaweps anochi e intérprete ku a fayesé ku 23 aña di edat a gana e premio di ‘Tòp Latin Albums, artista femenino di aña’ di ‘Latin Billboard Music Awards’.
Su ruman, e músiko i produktor, A.B. Quintanilla, a publiká un mensahe emotivo riba su kuenta di instagram kaminda el a relatá ta kon el a risibí e bon notisia.
For di despues ku e albùm di rekompilashon di e éksitonan grandi a subi merkado, esaki no a stòp di zona na radio i ta loke a pone ku el a gana e rekonosementu importante.