WILLEMSTAD.- Tur kos ta kla pa dia promé di mei próksimo e grupo di Seú ‘Sembra Alegria’ kuminsá ku nan selebrashon di 10 aniversario. E fecha di selebrashon ta 8 di mei, pero dia promé nan ta organisando un tremendo selebrashon na Hòfi Pachi Wiwi. Kuminsando pa 4’or di atardi ku un marcha ku lo sali na Misa di Fuik i terminá den Hòfi Pachi Wiwi. Ambiente den hòfi ta kuminsá for di 6’or di atardi i lo terminá 12’or di anochi. Animashon musikal lo ta na enkargo di Hóben na Timon, Sablika, Den Dam, HPA i Konchemba. Sembra Alegria ta invitá bo pa bin selebrá nan di 10 aniversario ku e famia ku ta Sembrando Alegria tur dia.