TALLAHASSEE, FLORIDA, MERKA, AP.- Un senador estatal di Florida a hasi un komentario rasial ofensivo i a usa lenguahe bulgar den un kombersashon ku dos kolega koló skur i a renunsia djabièrnè dor di afirmá ku e insidente ta distraé e proseso legislativo.
E senador republikano Frank Artiles a presentá renunsia di e presidente republikano di Senado, Joe Negron, i a publiká un komunikado apart. “Evidentemente, mi a hasi komentarionan kruel, inaseptabel i inapropiá. Pueblo merikano i abitantenan di Florida kier pa su lidernan duna kuenta i ta responsabel, i ku e renunsia di mi kargo ta mustra e kalidatnan ku nan ta deseá i meresé”, asina Artiles a señalá den un komunikado publiká pa un ofisina di relashon públiko.
Negron a bisa ku e renunsia tabata korekto pa hasi i a deskartá un investigashon riba e insidente aki.
E banki legislativo di Florida a presentá un keho riba e insidente aki i a pidi pa Artiles wòrdu retirá di su puesto.
E problema a kuminsá djaluna anochi durante un kombersashon ku senadornan Audry Gibson i Perry Thurston den Klup di gobernador, un establesimentu eksklusivo pa miembronan serka di kapitolio.
Artiles a pronunsiá vulgaridatnan durante su kombersashon ku Gibson, entre nan unu ofensivo i partikular pa hende muhé.
