Señor AMERIGO C.M. THODE
Aviso di Morto
Ku profundo pena nos a tuma nota di fayesimentu di Miembro di Parlamento i lider di frakshon di Movementu Futuro Kòrsou (MFK) señor Amerigo C. M. Thode.
Señor AMERIGO C.M. THODE
a nase dia 27 di yüli 1950
Nos lo keda kòrda sr. Thode komo un Miembro di Parlamento di Kòrsou ku a dediká su energia na e vishon i trabou pa elevá nos mes i nos pais.
Disipliná, un mente skèrpi pa detaye, dokumentá, kla pa debatí, ekipá ku su konosementu di prosedura i regla. Semper dispuesto pa splika i aklará puntonan di vários materia pa trese klaridat kaminda falta konosementu. Un amor i humor grandi pa trese speransa i alegria.
Sr. Thode a siña nos para fuerte pa enfrentá atversidat i keda den nos fe, kana i traha ku konvikshon, honor i e obligashon pa no entrega te ora logra nos meta.
Miembro di Konseho Insular di Kòrsou:
8 di òktober 2010 te ku 9 di òktober 2010
Miembro di Parlamento di Kòrsou:
10 di òktober 2010 te ku 1 di novèmber 2012
2 di novèmber 2012 te ku 1 di novèmber 2016
11 di mei 2021 te ku 14 di dezèmber 2023
Ku su Alma sosegá na pas.
Parlamento di Kòrsou ta deseá su famia, koleganan, amigu i konosínan forsa pa karga ku e pèrdida grandi aki.
Presidente di Parlamento
Sra. Charetti America-Francisca
Grefir di Parlamento
Sr. Silvin Cijntje
Ersilia de Lannooy
Kondolensia i forsa pa tur miembro, grefir i kolaboradónan den parlamento.
Marilyn Heyliger
Condoleer y hopi forsa pa juinan ruman nan y tur famia !!! Dios konsola bosnan den e tempu difisil aki 🙏
erox stefania
Ami Erox i Abigail ta manda nos profundo kondolensia na famianan ku a keda atras despues di e fayesementu di Amerigo. Sigur un pèrsona firme i ku ta tuma kualke asignashon na serio. Nos lo keda kordé asina. Pèrdida di un persona asina sigur lo hasi falta. Nos bida ta asina kòrtiku i ta pasa bai lihé. Ta danki na e sakrifisio di reskate ku Hesus a perkura ku ta duna nos tur e speransa di por mira nos sernan kerí ku a muri bèk atrobé ora nan ser lanta pa haña bida eterno aki riba Tera. Huan 5:28,29/ Salmo 37:29