SEÑORA INA WINKEL

Na Memoria di
SEÑORA INA WINKEL
Señora Ina Winkel tabata un Miembro hopi leal di Bestür di St. Jeugdzorg Curacao. Ku hopi tristesa dia 7 di februari ùltimo nos a tuma despedida di Señora Ina Winkel. Komo presidente di nos krèsh Casa Cuna Villa Maria el a hasi esfuersonan èkstra ordinario pa nos muchanan di Kòrsou.

Durante hopi aña ela preokupá pa e bienestar di e muchanan i e hobenan ku ta bishita nos krèsh i e "naschoolse opvang".
Su amor i su preokupashon pa e desaroyo di e muchanan di Casa Cuna Villa Maria lo keda pa semper den nos memoria. Ina lo bo hasi hopi falta serka nos di Bestür. Nos nunka lo lubida bo amor speshal pa Casa Cuna Villa Maria.

Nos màs sinsero pésame ta bai pa su yu Wouter i tur sobra famia i amigunan. Nos ta desea nan hopi forsa. Shon Ina, na nòmber di Bestür di Stichting Jeugdzorg Curacao, lidernan i tur e muchanan un biaha mas nos ta yama bo masha danki di kurason pa tur loke bo a hasi.

Ina, drumi dushi i deskansa den pas eterno.

Casa Cuna Villa Maria
Meisjestehuis Casa Manita
Casa Cuna Mercedes Winkel (Berg Alten)