WILLEMSTAD.-  E produktor Getamilli, konosí pa hitnan manera Sin Stress" di Rich, "Kaya ta hot" di Mason, "Mane mi ke" di Titorasz, "Dame un call" di Enmeris,
"Ora bo ke" di Squad i hopi mas, a drenta den studio huntu ku e artista rubiano Zyon i traha riba un EP.
E promé kansion promoshonal dje EP aki ta ‘Señorita’, un kansion produsí dor di Jay Stax, ganadó di Flying Dutch su DJ Battle, huntu ku Getamilli.
‘Señorita’ tin un vibe hopi tropikal i e ritmo ta un fushon entre e géneronan afro/ kizomba ku un melodia di kitara hopi pegahoso.
Entrante awe bo por pidi ‘Señorita’ na bo radioemisora faborito.
Produkshon dje videoclip di ‘Señorita’ ta na enkargo di Ryan Navarro i lo keda estrená dia 10 di novèmber riba e plataforma di YouTube.