MERKA.- Despues ku e hurado den e kasonan entamá kontra di Bill Cosby (80) a hañ’é kulpabel riba tres kargo, awor e ta pendiente pa su sentensia ku lo keda diktá riba dianan 24 i 25 di sèptèmber 2018.
Na 2004 Cosby a droga i abusá e eks basketbolista, Andrea Constand. Si e keda hañá kulpabel pa e tres kargonan lo e por risibí un kastigu di prisòn di máksimo 10 aña pa kada akusashon, pues 30 aña total. E abogadonan di Cosby a deklará ku nan lo apelá e sentensia mesora. Aktualmente Cosby ta na kas bou di supervishon elektróniko.
Cosby no a abusá solamente di Constand, pero tin 62 dama ku a lansa akusashon kontra di e kómiko. Un gran parti di e otro kasonan a keda seponé pa korte, pues nan lo no keda tratá pa korte.