WILLEMSTAD.- Den kuadro di selebrashon di Aña di Ka’i Orgel, riba 10 di aprel próksimo, Fundashon Sentro Kultural Kòrsou ta kuminsá ku un interesante Kurso Básiko di Baile di Ka’i Orgel.
E kurso aki lo ta na enkargo di e konosido profeshonal instruktor di baile Cesario Jean Louis, i ta tuma lugá den e fasilidatnan di Sentro Kultural Kòrsou den Emmastad. E kurso lo tin un durashon di 10 siman i lo tuma lugá tur djárason di 7 or di anochi. Kosto di partisipashon ta 145 florin pa persona (pago adelantá). Na final di kurso tur partisipante mester pasa un prueba. E partisipantenan ku pasa e prueba ku éksito lo risibí un sertifikado.
Interesadonan por inskribí na ofisina di Sentro Kultural Kòrsou situá den Emmastad durante oranan di trabou di 9 or pa 12 or di mainta i di 2 or di mèrdia pa 5 or di atardi, tambe por yama na telefòn 737-3682. Tene kuenta ku e kuponan ta limitá.