WILLEMSTAD.- ‘The Caribbean Gospel Foundation’ ta preparando pa trese nan di 36 festival di kanto ku lo tuma lugá dia 9 di yüni 2018 aki na Kòrsou. Pa Kòrsou lo partisipá ku Wendy Jane Gomes, Edson Nahr, Sherome Petronia, Rose-Marina Reed, Rocheline Reed i Carlos Salsbach. Paisnan partisipante na e festival ta entre otro Sürnam, República Dominicana, Haiti, Anguilla, Bonaire, Aruba, Venezuela i Kòrsou. Artistanan invitá lo ta e ganadó di 2017, Genesis Colon; Johan Herbert di Sürnam, ganadó di 1993 i Liesje Lispier di Kòrsou, ganadó na 2009. ‘The Caribbean Gospel Song Festival 2018’ ta tuma lugá dia 9 di yüni 2018 den sala di eksibishon di WTC pa 8’or di anochi. Karchinan ta optenibel na Mensing’s Caminada, Kas di Beibel, Samson i Tik Tak.