WILLEMSTAD.- Dia 10 di sèptèmber próksimo na International School lo tuma lugá e sertámen di ‘Mister World Wide Curaçao 2017’.

Na e sertámen aki ta partisipando un total di 10 hóben ku awe ‘DEN E BEMBE’ ta presentá nan.

Partisipantenan

E 10 partisipantenan ta: Alexander Castillo, Dharleyson Tokaay, Euveron Djaoen Sambre, Giraney Muskus, Jeandro Martina, Jeanello Haddocks, Rashan Angela, Shaquille Boeldak, Shorendy Contreras i Zeno Meulens.

Karchi pa e evento aki ta optenibel na Mensing’s Caminada. Pa loke ta trata e evento mes esaki manera a keda anunsiá ta tuma lugá na International School i lo kuminsá pa 5’or di atardi i lo terminá pa 10’or di anochi.

‘Mister World Wide Curaçao 2017’ ta primintí di bira un show kompletu di nos hóbennan kaminda nan lo demostrá ku nan ta kla pa saka kara di Kòrsou. Bishitá e página di ‘Mister World Wide Curaçao’ kaminda bo por risibí mas informashon.