WILLEMSTAD.- Despues di un periodo di 6 luna di preparashon i diferente sertámen preliminar, a yega momentu pa e sertámen final di Marvelous Production pa loke ta trata aña 2019.
Pa promé bia Kòrsou lo presensia un sertámen di 7 kategoria riba e mesun dia, algu úniko, hasí ku hopi amor pa Kòrsou.
E partisipante nan lo tin 3 presentashon ofisial. Promé presentashon lo ta introdukshon, di 2 presentashon lo bai ta trahe di baño i di 3 presentashon ta shimis di gala, den kual nan lo haña un pregunta final.
Tur kos ta kla pa djaweps awor, 10 òktober 2019, pa pueblo di Kòrsou presensia un espektákulo hopi bunita. E sertámen ta kuminsá 3’or atardi i lo kaba 7’or di anochi, den International School of Curaçao. Tin posibilidat pa kumpra karchi na porta. Marvelous Production ta invitá Kòrsou pa bin sostené kada un di e partisipantenan aki i ta deseá tur partisipante hopi éksito.